रिकामा होत आहे कोपरा बहुतेक हृदयाचा Marathi Emotional Gazal

वेदनांचे रान 

रिकामा होत आहे कोपरा बहुतेक हृदयाचा

मला आवाज येतो सारखा आतून रडण्याचा

किनाऱ्याला कसा आलो मला कळले कसे नाही

खरा ठरला असावा तु दिलेला शाप जगण्याचा

मला बोलायचे होते तुला पण बोललो नाही

चुकीचा अर्थ माझ्या वाटले घेशील म्हणण्याचा

मिठी साधीच होती मी तुला जी मारली होती

अता ती वाटते आहे जणू आधार जगण्याचा

संजय सकटे